Эхлэл - AUTODER | АВТОДЭР

Тав тухтай зөөлөн явдал

Бартаат замын донсолгоог багасган зөөллөж, хол замд бага ядарна.

Өндөр нэмэгдэнэ

Пүрш хоорондын зайг тодорхой түвшинд ихэсгэж машины өндөр 1~2.5 см нэмэгдэж өндөрсөнө.

Хазайлтыг багасгана

Хурдтай эргэлт болон огцом зогсох үеийн хазайлт, савлалтыг багасгана.

Амортизатор хамгаална

Амортизатор, бусад тулгуур эд ангийн ашиглалтын хугацааг 2 дахин уртасгана.

АВТОДЭР ГЭЖ ЮУ ВЭ?

Солонгос чанар

Өмнөд Солонгосын автомашин үйлдвэрлэлийн SsangYoung Motor компанийн оригинал сэлбэг (OEM) үйлдвэрлэгч ThinkThinkCar (TTC)-ийн зохион бүтээж, Солонгосын Бусан хотод үйлдвэрлэдэг автомашины ӨНДӨРЛӨГЧ, ТОГТВОРЖУУЛАГЧ ДЭР юм. 2014 оны 2 дугаар сараас эхлэн KG MOBILITY (хуучнаар SsangYoung)-ын автомашинуудад үйлдвэрээс гарахад нь Автодэрийг суурилуулах болсон. 20 гаруй жилийн ноу-хау, судалгаа туршилтын үр дүнд гаргаж авсан Уретан материалаар хийсэн Автодэрийг бүх төрлийн автомашины пүршинд маш хялбар суурилуулж ашиглана. Автодэр нь жолоодлогын тав тух, аюулгүй байдлыг нэмэгдүүлж, амортизаторт ирэх ачааллыг бууруулснаар тулгуур эд ангийн насжилтыг 2 дахин уртасгах ач холбогдолтой бүтээгдэхүүн юм.

Уретан

Автодэрийг цэвэр уретанаар хийдэг. Уретан нь Nike, Puma зэрэг спорт гутал үйлдвэрлэхэд ашиглагддаг бөгөөд дээд зэргийн уян хатан, элэгдэлд тэсвэртэй, бат бөх материал юм.

Дэлхийн брэнд

Өдгөө Автодэрийг Солонгосоос гадна Хятад, АНУ, ОХУ, Бразил болон Зүүн Өмнөд Ази гээд дэлхийн 40 гаруй оронд экспортолж, хэрэглээнд нэвтрүүлэн хэрэглэгчдийн талархлыг хүлээгээд байна.

Монголд

AUTODER.mn 2021 оноос эхлэн брэндийн Монгол улс дахь цорын ганц, албан ёсны эрхтэй борлуулагчаар ажиллаж байна.

Lexus HS250-д хийлгэсэн. Ардаа тултал ачаа хийгээд, хүүхэдтэй 3 хүн суулгаад Увс аймаг аялсан. Доод эд анги дуу ороогүй, доргилт дэржигнүүрийг бага мэдэрч аюулгүй тав тухтай байлгаж чадсан. Их сайн санагдсан шүү. Авсандаа харамсаагүй, баярлалаа.

Сайн байна уу. Өнөөдөр приус 40-дөө 4 дэр суурилууллаа. Бартаат замаар явж туршлаа. Ёстой гайхамшиг. Донсолгоо зөөлөн, ялимгүй өндөр боллоо. Та бүгдэд ажлын амжилт хүсье.

Сайн уу дүү, Ах нь Зүүнбаян явна гээд Rumion-ы урд 2-тоо хийлгэсэн хүн байна өө. Эндээс хүмүүс авъя гээд байна лээ шүү, унаанд өгч явуулдаг юм уу? Сайншандаас Зүүнбаян хооронд 40км шороон зам бол там шүү дээ, ах нь зүгээр аархаж байна дөө. Баярлалаа

Нэг хуруу өндөр, зөөлөн, савалгаа багассан, ачаа ачихад суулт багатай, амортизатор пүрш явах эд ангидаа гамтай санагдсан. 3 дахь машиндаа суурилуулаад явж байна даа. Спорт болон офроуд амортизатор пүрштэй бол дэмий.

Ланд 200-д Автодэрийг тавиулаад 2 дахь жилдээ явж байна. Зөв сонголт хийсэн, сэтгэл хангалуун байгаа шүү.

Янзын эд байна шүү. Явдал зөөлөн болсон байна. Сэтгэл хангалуун 100%. Таалагдлаа, танай байгууллагад амжилт хүсье😍💪

Огцом эргэлт дээрх хазайлтыг багасгана

Хурц эргэлт дээр Автодэр нь автомашиныг хажуу тийш хазайлгах хүчийг бууруулдаг. Өөрөөр хэлбэл, огцом эргэлтэнд төвөөс зугатах хүч их хэмжээгээр үүсэж, машины хүндийн төв эргэлтийн эсрэг буюу хөндлөн чиглэлд шилжсэнээр машин хазайх, улмаар онхолдох, шарвах нөхцөл үүсдэг. Автодэр энэ хүчийг бууруулж, тогтвортой байдлыг хангаснаар тав тухтай жолоодох нөхцлийг бүрдүүлнэ.

Овон товонтой зам дээрх донсолгоо, чичиргээг бууруулна

Автодэр нь хотын зам дээрх нүх ховил, хурд сааруулагч болон бартаат замын донсолгоо, чичиргээг шингээж, илүү зөөлөн тогтвортой жолоодох боломжийг танд олгоно. Автодэрийн цохилтын хүчийг шингээх энэхүү шинж чанар нь амортизаторын ачааллыг эрс бууруулна. Ингэснээр амортизатор болон бусад тулгуур эд ангийн ашиглалтын хугацаанд эерэг нөлөөтэй.

Өндөр хурдтай жолоодох үеийн чичиргээг багасгана

Автодэр нь хөдөлгүүр болон замаас гарах чичиргээг багасгаж, илүү зөөлөн, тав тухтай жолоодох боломжийг бүрдүүлнэ. Шулуун замд өндөр хурдтай явах үед замын гадаргуугийн үрэлт, хөдөлгүүрийн хүчтэй ажиллагаанаас болж дугуйнд маш их чичиргээ үүсэж, улмаар машин дотор шуугиан, чичиргээ нэмэгдэж тав тух алдагддаг. Автодэр тогтворжуулагч дэр нь энэ төрлийн чичиргээг багасгахаас гадна машины явах ангийн хэвийн ажиллагааг дэмжсэнээр тогтвортой, жигд жолоодох боломжийг олгодог.

Бартаат замд жолоодох үеийн стресс, ядаргааг бууруулна

Автодэртэй бартаат замд гарсан эхний мөчөөс эхлэн та цоо шинэ мэдрэмжийг авах болно. Бартаат зам дээрх донсолгоо, савлагааг бууруулж, бага ядарч, илүү тав тухтай зорчих үр нөлөөг Автодэр эрс нэмэгдүүлдэг. Автодэр зөвхөн амортизатор бус пүршний цохилтыг тэсвэрлэх чадварыг сайжруулдаг. Ингэснээр жолооны хүрдийг залахад илүү хялбар болно. Нэмж хэлэхэд Автодэр нь олон цагийн турш аялах үед жолооч, зорчигчийн тав тухыг хангахаас гадна, таны автомашины “эрүүл мэндэд” ч эерэгээр нөлөөлдөг бүтээгдэхүүн билээ.